top of page
LA RESTAURATION
Mignonne, allons voir si la rose
Qui ce matin avoit desclose
Sa robe de pourpre au soleil,
A point perdu cette vesprée
Les plis de sa robe pourprée,
Et son teint au vostre pareil.
Las ! Voyez comme en peu d'espace,
Mignonne, elle a dessus la place.
Las ! Las ses beautez laissé choir !
Ô vrayment marastre Nature,
Puisqu'une fleur ne dure
Que du matin jusques au soir !
Donc, si vous me croyez, mignonne,
Tandis que vostre âge fleuronne
En sa plus verte nouveauté,
Cueillez, cueillez vostre jeunesse :
Comme à ceste fleur la vieillesse
Fera ternir vostre beauté.
à Cassandre
Pierre de Ronsard
bottom of page